In die hart van 'n baie klein plattelandse dorpie, genaamd Porterville, het ons reis saam begin. As kinders het ons saam in Molly Hugostraat gespeel en mekaar gereeld verkeerd opgevryf op die tennisbaan. Desember vakansies het ons saam in Hartenbos se branders geswem en die aande om gedans op tydlose treffers. Min het ons geweet dat die Here besig was om ons storie te skryf - 'n storie van onophoudelike vreugde en vertroue in Sy tyd.

'n Kuiertjie op die plaas was toe al wat nodig was om hierdie liefdesverhaal te begin. Desember 2021 bevind ek (Mari) myself op AJ se plaas om die jaarlikse Schoombee skoffel by te woon. Die tyd wat ons saam op die plaas spandeer bring ons albei vir die eerste keer tot die besef dat ons werklik mekaar se pasmaats is. Dit het AJ net 'n week geneem om my te vra om sy meisie te wees, en 'n jaar later het hy op daardie selfde plaas die groot vraag gevra.

Die Here het ons elkeen op 'n aparte reis geneem en ons só mooi voorberei vir hierdie nuwe seisoen in ons lewe. Nou kan ons, uiteindelik, die reis saam aanpak, hand aan hand, met ons oë gerig op Hom en ons voete geplant in die hartjie van die Karoo.